Svelgurinn

Jei ég er búin í prófunum
Jebb, var að ljúka Stjórnunarbókhaldinu og það gekk bara með eindæmum vel, aldrei að vita nema að maður sprengi bara einkunaskalann þetta árið.
Nú er það bara slökun og djamm framundan. Smá skrepp í pottinn á eftir, kanski pínu öl líka. Ætla svo aðeins að tékka á Skagagellunum i kvöld en það er saumó hjá henni Fjólu. Svo verða það bara rólegheit heimafyrir fram eftir degi á morgun þar sem pabbi gamli er í Bónus Eigilsstöðum að sansa eitthvað. Svo verður hrikalegt próflokadjamm - hið síðara um kvöldið. Hópur A ætlar að slá í gegn og hefja leikinn með grilli heima hjá Heiðu skvís svo verður djammað fram í rauðan dauðann....

Sammála
Get ekki annað en tekið undir orð fyrrverandi formanns um skólagjöld, sjá hér
Með frekari hækkun er verið að fæla umsækjendur enn frekar frá, þau eru há núna og hafa verið að hækka síðustu ár, við hverju á fólk að búast miðað við þá þróun sem hefur verið. Það er ekki endalaust hægt að kreysta buddu nemenda, þó það sé ansi langt gengið í því...

4 búin 1 eftir
Jebbsí kláraði stefnumótunina með glans (vona ég) í dag þannig að nú er einsinn bara eftir. Ótrúlegt hvað maður er nennulaus að læra fyrir síðasta prófið, ekki gott að það sé bókhaldið. Hefði alveg meikað mun betur ef það hefði e-ð annað próf verið síðast. Ég er nebblega alltaf svo hrikalega kærulaus í síðasta prófinu, nenni ekki að læra fyrir það og slumpa bara e-ð á svörin. Ég er nú samt búin að vera nokkuð dugleg í þessu í vetur og fá nokkuð góðar einkunir fyrir öll verkefnin. Þannig að þetta á vonandi eftir að ganga betur en í reikningshaldinu á síðustu önn....

Gassalega dulleg í dag
Jebb vaknaði hálf átta en var svo vakin rúmlega 8 af því ég átti að mæta út í skóla að læra. Eins gott að ég var að fara hitta stefnumótunarlærihópinn minn, annars hefði ég örugglega sofið fram á hádegi.... ER búin að vera obboðslega dugleg að læra stefnumótunina í dag og held að mér eigi bara eftir að ganga alveg ágætlega - já krakkar, það er gott að vera jákvæður -
Skellti mér svo líka í ræktina áðan og skokkaði aðeins - rosa rosa dugleg stelpa, ekki veitir af að hreyfa sig aðeins eftir allt páskaeggjaátið. Er alveg að verða búin með stóra eggið sem mamma og Hannes gáfu mér en páskaeggjakarfan frá pabba bíður enn uppi í hillu, er eiginlega búin að fá nóg af þessu súkkulaði áti í bili.

GLEÐILEGA PÁSKA ALLIR!!!

Ömurlegt að þurfa að vera að læra fyrir próf í páskafríinu, ég er bara dottin úr öllu læristuði!!! Var samt að lenda í sveitinni og ætla að reyna að fara að koma mér í gírinn.

Við frænkurnar skelltum okkur aðeins á djammið á föstudagskvöldið, rosa stuð á okkur. Ætluðum aldeilis að skella okkur í dansinn á Leikhúskjallaranum en þar var aldeilis bara lok lok og læs og allt í stáli þannig að ekki komumst við þar inn. Á Hverfisbarnum var að vanda endalaus röð þannig að við kíktum á Sólon og tókum nokkur spor með krökkunum. Enduðum loks á Pravda með útlenskum blaðamanni og endurskoðanda. Afar skemmtilegt kvöld. Hef oft verið mun hressari heldur en ég var á laugardaginn, lá í rúminu mest allan daginn og át verkjatöflur. Á laugardagskvöldið ætluðum við Inga svo að skella okkur á kaffihús til að reyna að hressa okkur aðeins við en þegar ég kom til hennar sáum við að við gætum nú eiginlega ekki farið út saman af því að aldrei þessu vant vorum við eins klæddar. Já við ættum greinilega að tala saman um í hverju við ætlum að vera áður en við förum e-ð út saman.

En jæja, bókhaldið og stefnumótunin bíða, best að reyna að fara að læra eitthvað svo ég þurfi nú ekki að fara í úrbót í vor...