<$BlogRSDUrl$>

miðvikudagur, október 08, 2003

Nenni ekki að læra
Greinilegt að ég er hætt að nenna að læra, alveg tvö blogg í gær og eitt núna. Núna kem ég samt bara með stjörnuspánna mína í dag er bara nokkuð sátt við hana.

Mið 8.10.2003

Sporðdreki (24.okt - 21.nóv)
Í starfi og félagslegum samskiptum út á við sé ég þig sem örugga og ákveðna manneskju en það er eins og eitthvað hér valdi þér vanlíðan eða óánægju á einhvern hátt. Þú ættir að leysa alla hnúta sem skyggja á annars ágætt jafnvægi þitt sem fyrst. Ástin er komin til að vera en þú ættir að slaka örlítið á þegar kemur að samskiptum við félaga/vini þína. Fólk eins og þú kemst þangað sem það ætlar sér.

Hjörtur var eitthvað að kvarta yfir að ég talaði aldrei um hann á blogginu þannig að nú ætla ég alltaf að tala e-ð um hann. Hefði sett stjörnuspánna hans hérna ef ég vissi í hvaða stjörnumerki hann er


|

þriðjudagur, október 07, 2003

Vissuð þið að hann Hjörtur er alveg frábær strákur??
|
Fínustu myndir sem Solla Pálma tók á Sálarballinu á skaganum um daginn. Svei mér þá hvað maður er agalega myndarlegur, og alltaf með colgate brosið á hreinu :)


|

sunnudagur, október 05, 2003

Helgin
Skellti mér í borgina á föstudaginn, allt of sein af stað. ´Fór með bílinn beint í smurningu og var á klukkunni allan tímann átti nebblega að vera mætt í vísindaferð í Esso klukkan 5 og átti eftir að fara heim og sjæna mig til. Það tókst þó að lokum og ég mætti á slaginu 5 í Esso en þá voru aðeins nokkrir skiptinemar mættir svo að ég minglaði bara aðeins við þær gellur. Hvað er með þessa Bifrestinga sem skrá sig í vísindaferð og mæta svo bara ekkert eða þá allt of seint, ég er sko ekki sátt við þetta!!!!!!! En samt sem áður var þetta fín ferð Esso þetta fína fyrirtæki.

Að lokinni nokkurri drykkju og góðri kynningu á Essó var tekinn langferðabíll í Kaplakrika þar sem strákarnir okkar í UMF Bifrost voru að keppa á móti FH2 í bikarkeppninni. Þetta var alveg hörkuspennandi og skemmtilegur leikur. Þeir geta sko alveg spilað handbolta þessir drengir hérna á Bifröst!!!!
Við Heiza skelltum okkur svo saman á djammið á eftir, kíktum á Felix þar sem Anna Lára og Elva voru, kíktum síðan aðeins á Sólon og Ölstofuna vorum samt nokkuð þreyttar eftir átök vikunnar og fórum því snemma heim.

Á lau fór ég svo með mömmu gömlu í Kringluna og eyddi dáldið af peningum. Mætti svo á þennan fína BÍSN fund um kvöldið. Kíkti síðan á Ingu, Elvu og Þorbjörgu sem voru að djamma heima hjá Lóu og skutlaði þeim í bæinn, kíkti í svona tvær mín inn á Sólon með þeim en var bara e-ð ógurlega þreytt svo ég hentist heim í bólið, því miður var enginn þar að taka á móti mér. :(


Græna þruman á verkstæði
Pústið er að detta undan bílnum mínum þannig að hann er á leið á verkstæði á morgun. Það var nú ekki hægt að senda stelpuna bíllausa í sveitina þannig að hún fékk lánaðann gamla coltinn hennar Ingu en hann stóð bara aðgerðarlaus inni í bílskúr í Smárarimanum. Það er nú aldeilis gott að eiga ættingja sem eiga svona helstu nauðsynjar í bílskúrnum. Pabbi og Palli voru nú samt ansi stressaðir yfir því að ég væri að fara á coltinum, en ég komst þó alla leið heim í Miðgarð. Svo er bara spurning hvort maður komist aftur í borgina.

Kíkti við á Skaganum á leiðinni. Varð að fara að skoða nýjasta prinsinn á Bjarkargrundinni. Það er nú meiri rúsínan með fullt af dökku hári, næstum hægt að setja í tígó. Svei mér þó ef það fór ekki e-ð að klingja hjá manni.


|

This page is powered by Blogger. Isn't yours?