Svelgurinn

Gleðilegt sumar allir saman
Við erum búin að vera bara nokkuð dugleg að vinna misserisvekefnið. Meira að segja svo dugleg að við tókum okkur frí eftir hádegið í dag.
Litla systir mín er að fara að fermast á sunnudaginn þannig að maður þarf víst að taka frí þá líka. Hún fermist klukkan 11 í Grafarvoginum og svo verður veisla í húsinum hjá ömmu og afa í Hraunbænum. Það er nú alltaf agaleg stemmning að hitta alla ættingjana, núorðið eru þetta einu skiptin sem maður hittir þetta fólk, við fermingar og jarðarfarir. Gömlu frændurnir og frænkurnar segja örugglega enn einu sinni hvað maður hefur stækkað mikið, samt eru svona 8 eða 9 ár síðan ég hætti að stækka. Þau eru kanski að tala um að maður hafi stækkað á annan veg ???? hmmmmmmm, maður ætti kanski að taka það til smá umhugsunar. Já einmitt best að sleppa því að borða í fermingunni.

Góðann daginn og gleðilega páska.
Fríið er bara alveg að verða búið og ég er ekkert búin að gera nema liggja í leti og drepast í maganum. Er samt orðin það góð núna að ég get borðað fína páskaeggið mitt jibbí !!
Er að fara á árlegt páskaball á skaganum í kvöld með skagagellunum. Held að það sé á móti sól ball eða eitthvað þannig. Veit ekki alveg hvernig stemmningin fyrir því er svona almennt þar sem ég hef heyrt að margir séu að spara sig fyrir næstu helgi á skaganum en þá er Skítamórals comeback. En what the hell maður fer þá bara líka þá. Sama hvað Rósa segir þá er ég nú ekki orðin svo gömul að ég geti ekki djammað tvær helgar í röð, held að ég hafi gert það nokkuð oft hingað til.
Á þriðjudaginn tekur svo vinnan við misserisverkefnið okkar við. Við erum að fara að gera kynningaráætlun fyrir Svansprent en það er fjölskyldufyrirtækið hans Svan þannig að við munum hafa góðan kontakt við fyrirtækið. Svo er spurning hvort að þetta verði besta verkefnið.