Svelgurinn

""Which cocktail are you?""
brought to you by Quizilla
mmmmmmmmm nammmm, alveg fyrir svelginn !!!

Ragnheiður vinkona mín á afmæli í dag, hún er orðin alveg eld gömul eða 23 ára, úff það líður að því að ég verði svona gömul. Til hamingju með daginn Ragnheiður, vonandi hefur þú það gott í dag.
Eg var nú aldeilis að læra nýja hluti í gær, ég er nú gildur meðlimur í bridgefélaginu á Bifröst og mætti aldeilis á spilakvöld í gær. Ég var þá heldur betur að spila bridge í fyrsta sinn á minni stuttu ævi. Ég vissi eiginlega ekki hvað gekk á í byrjun, gerði bara e-ð, spurði bridgesnillingana hvað ég ætti að gera til að byrja með en undir lokin var ég farin að spila eins og ég hefði aldrei gert annað en að spila bridge. Eftir spilamennskuna kíktum við svo aðeins á kaffihúsið og eins og svo mörg önnur fimmtudagskvöld endaði það í einhverri bölvaðri drykkju og rugli. Ég er þó mætt í fyrirlestur hress og spræk. Ég er svo að fara í matarboð hjá frænku minni í kvöld, hún ætlar að elda einhvern agalega góðan mat handa mér, svo á víst að vera 80's ball á kaffihúsinu í kvöld, spurning hvað maður gerir í því.

Litla prinsessan Hérna er vonandi hægt að sjá hvernig litla fjólan lítur út. Svo er líka kominn nýr linkur fyrir myndir hér til hliðar : MYNDIR2 nú ætla ég að reyna að vera dugleg í ljósmyndastörfunum, annars má þá líka alltaf skoða myndirnar hjá Rósu.

Nýjustu fréttir - Klukkan 18:16 í gær, þann 3. febrúar 2003 fæddist lítil prinsessa í þennan heim, 12,5 merkur og 49 cm rosalega lítil og sæt. Já hún Fjóla í Tungu er sko aldeilis orðin mamma. Móður og barni heilsast vel skv síðustu fréttum. Stefnan er tekin á hópferð á sjúkrahús Akraness í dag þannig að það er aldrei að vita nema að innan skamms muni birtast myndir hér á síðunni af litlu prinsessunni en hún hefur eftir því sem næst verður komist ekki enn hlotið nafn. Frekari fréttir af litlu fjölskyldunni munu koma eftir því sem fréttir berast.

Jæja róleg helgi að baki – gerði sko ekki neitt alla helgina !!!! Jú annars ég horfði á handbolta. Ætlaði sko að vera obboðslega dugleg að læra en gerði ekki neitt í þeim málum frekar en venjulega. Það er nú samt agalega þægjó að taka eina svona slökunarhelgi. Sérstaklega eftir að hafa klúðrað rólegheita fimmtudagskvöldinu með fyllerýi. Það var nú samt voða gaman hjá okkur öllum þá. Það er alveg komin regla hjá genginu okkar á það að spila partý & co á fimmtudagskvöldum og þá er auðvitað við hæfi að fá sér smá í glas og fagna komandi vikulokum.
Það hefur kanski verið of mikil afslöppun um helgina núna nenni ég engan veginn að fara að læra, þarf samt að klára verkefni um húmor í auglýsingum.