Svelgurinn

What Type of Kiss are You??
brought to you by Quizilla

Ég er svo sæt og saklaus ;)

Vá maður það er kominn laugardagur - ég hef alveg misst af föstudeginum, veit ekkert hvert hann fór ég bara svaf og svaf og svo var bara komið kvöld áður en ég vissi af. Ég og Pálmi og Rósa skruppum svo og fengum okkur dýrindis pizzu í Skálanum og franskar mmmmmmmm æðislega gott. Skröltum svo aftur niðrá Bifröst og fórum að horfa á DVD. Einhvern tíma á föstudaginn tókst mér samt líka að koma myndunum síðan á fimmtudaginn inn á netið, myndavélin var samt eitthvað að klikka þannig að allar myndirnar úr matarboðinu eyðilögðust. Í gærkvöldi grátbað Andrés okkur svo að koma í heimsókn í hvítvín - maginn minn var nú samt ekki alveg að meika það en ég píndi þetta nú samt í mig, fólk var nú almennt frekar ónýtt hérna í gær þar sem fimmtudagurinn var frekar svakalegur. Frumudjammararnir voru samt öflugir og héldu svakalegt partý og héldu vöku fyrir okkur aumingjunum sem vorum ekki að meika meira djamm í bili. Núna verð ég að reyna að gera eitthvað af viti í þessu blessaða misserisverkefni okkar þar sem ég kom ekki með neitt framlag í gær.

Þetta er alveg frábær dagur !!!! Þarf að segja þetta af því það er orðið svo langt síðan ég hef heyrt í Palla. Þessa dagana er maður alveg á fullu í misserisverkefninu, agalegt stuð, núna er ég að verða búin að komast að öllu um einkaleyfi þannig að ef þið þurfið að verða ykkur úti um eitt slíkt ætti ég að geta aðstoðað. Annars er þetta eitthvað ótrúlega afslappað hjá okkur annað en elskan hún frænka mín hefur lýst fyrir mér en það er nú alltaf sama stressið á henni.
Æ, ansk... var að fatta að klukkan er að verða hálf átta og ég á að vera mætt í Útgarð að elda. Ætli maður verði ekki að elda svona einu sinni í tilefni af því að hún Rósa litla á afmæli á mánudaginn. Hún er samt í einhverri sjálfsblekkingu, heldur því fram að hún sé bara 20 ára að verða 21, greyið er eitthvað hrædd við að eldast. En allavegana þá er matur núna í Útgarði hjá honum Pálma ég ætla að elda og Ragga ætlar að gera salat og svo verður svaka svaka partý og allir ætla að vera með í leiknum hennar Rósu: HVER GETUR DRUKKIÐ MEST ætli við leyfum henni ekki bara að vinna þar sem hún á afmæli. En allavega rosa partý í Útgarði hjá Pálma og allir eru að fara að mæta þangað -

Já alveg rétt var næstum búin að gleyma afmælinu hennar ömmu minnar en það var á sunnudaginn. Auðvitað mætti maður agalega hress og kátur. Tók eitthvað af fínum myndum til að bæta í familíualbúmið. Verð að fara að hafa e-ð meira á þessari síður en djammsögur þar sem mamma er farin að skoða þetta reglulega - og þó þær eru auðvitað alltaf skemmtilegastar, eða hvað???

Vá það er sko komin þriðjudagur og ég hef ekkert bloggað síðan á laugardaginn, sem var by the way alveg frábær dagur. Þegar Rósa var loksins búin í prófinu eftir mikið stress og langa bið fórum við í höfuðborgina. Um kvöldið var langþráð djamm eftir stranga prófatörn. Þetta var alveg rosalegt djamm, snillingurinn ég hélt sig hafa týnt veskinu sínu einhversstaðar og hringdi í fússi og lét loka Atlaskortinu. Rétt eftir það fann snillingurinn síðan veskið og auðvitað var það bara á fínum stað, í sófanum þar sem ég sat - við erum sko að tala um heimsklassa snilling hérna ! ! ! Já, já þetta var algjört æði bara, Heiða gella kom með okkur á djamm eftir miklar sannfæringar. Einhverra hluta vegna var Heiða búin að lofa sér því að fara aldrei aftur að djamma með okkur Rósu - skil ekkert í þessu - en okkur tókst að plata hana með okkur. Hún gafst þó fljótlega upp, litla greyið, skellti sér með hetjunum okkar þeim Bjarka og Fjólu upp á Skaga. Þannig að í þetta sinn var það hún sem skildi mig eftir eina af því Rósa var löngu stungin af, án þess að láta nokkurn mann vita. Alma litla reddar sér þó alltaf, fyrir utan Hlölla sá hún nokkra föngulega drengi sem reyndust síðar vera Grindavíkurgæjarnir Valli Vísa og Binni b........... og einhver annar sem ég man ekkert hvað heitir þannig að hann er ekkert gæji. Og þessar hetjur björguðu Ölmu litlu úr klóm einsemdar hinnar grimmu miðborgar og fylgdu henni aftur á Astró þar sem allir Bifrestingarnir biðu hennar og fögnuðu endurkomu hennar og allir lifðu hamingjusamir til æviloka.
Þvílík saga, samt alveg sönn en á Astró fannst Rósa aftur en týndist líka fljótlega og sást ekkert aftur fyrr en daginn eftir.
Sunnudagur, betur þekktur sem þynnkudagur tók svo við. Á þannig dögum er við hæfi að snæða einhvern skyndibita og því var haldið á Pizza Hut. Að loknum snæðingi var svo þynnkast í Kringluna til að drepa tímann þangað til hitta átti misserishópinn. Þvílíkir snillingar að halda að við gætum gert eitthvað af viti á þynnkudegi ! ! !