Svelgurinn

Hún á afmæli í dag - hún á afmæli í dag - hún á afmæli hún Alma - hún á afmæli í dag.
Góðann daginn mig langaði bara rosalega mikið að segja ykkur að ég á afmæli í dag. Það hefur gengið frekar illa hjá mér að koma þessu hérna inn. Það byrjaði á því að ég reyndi að komast inn á netið heima í gegnum tölvuna mína en einhverra hluta komst ég ekki inn. Ætli pabbi tæknitröll sé eitthvað búin að rústa tengingunni þarna. Þá ætlaði ég bara að pósta á tölvunni hans pabba sem er by the way I mac drasl þannig að það vantaði post&publish hnappinn - veit ekki hvernig stendur á því. Eina skýringin sem ég hef er að þessir makkar eru drasl. Mamma hetja bauð mér svo í mat og ég fékk að kíkja á netið hjá henni - Takk mamma mín
Jæja, þegar ég vaknaði í morgun var ég alveg orðin ári eldri en ég var í gær. Vá hvað maður eldist, bara á einni nóttu, heilt ár????? Það er samt alltaf gaman að eiga afmæli mamma eldar alltaf eitthvað gott handa mér það er að segja ef ég er heima hjá henni. Í fyrra var ég úti í Frakklandi á afmælinu mínu það var alveg frábært. Ég fékk kórónu úr álpappír en það var víst eitthvað lítið eftir af henni um nóttina – auðvitað var brjálað djamm og Alma snillingur var alltaf í símanum sendi öllum heima á Íslandi SMS og sagði þeim að hringja í sig og ef þau hringdu ekki þá hringdi Alma bara í þau um nóttina – veit ekki alveg hvernig símreikningurinn leit út þá og langar bara ekkert að vita það. Held að pabbi hafi bara hent honum eða falið hann. Síðan er liðið eitt ár og nú er ég orðin eldri og vitrari eða við skulum alla vegana vona það.
Bjarki snillingur Borgdal sendi mér þessi æðislegu skilaboð í gær: Sumir hafa útlit eða húmor, aðrir geta gefið mikla ást. Sumir eru traustir, nokkrir hafa stórt hjarta og geta gert litla von um birtu en þú hefur þetta allt.
Rosalega hlýt ég að vera æðisleg  Núna er klukkan12 og bestu vinkonur mínar Hanna og Rósa eru búnar að senda mér til hamingju með afmælið SMS ég bíð spennt eftir að þið hin sendið mér eitthvað sniðugt í tilefni dagsins.

Aujourd’hui est ma anniversaire si vous avez le oublier. Je me rapelle ma anniversaire quand j’était en France, c’était superbe et moi j’était trés hivre et j’était au télephone presque tout le soir et le nuit, je croix, bien súr comme une vrai viking  J’éspere que vous le rappellez aussi.

Pistill Palla ritstjóra
Jæja félagar þá er enn einni dásemdar vikunni í faðmi borgfirskrar náttúru lokið og komið að uppgjöri. Það var skammt stórra högga á milli þessa vikuna sem endra nær, Stebbi stöng sem vann frækin afrek á íþróttamóti ekki alls fyrir löngu var afhentur gullskórinn á mánudaginn. Stebbi var markahæstur bifrestinga á mótinu og þökkum við honum fyrir að skora markið. Í öðru sæti voru hinir í liðinu með núll mörk en ekki þótti ástæða til að afhenda silfurskó að þessu sinni. Bjössi Hjalta tók sig til og söðlaði heldur betur um sig í borginni á fimtudaginn. Björn gerði tilkall til titilsins fyndnasti maður Íslands og vann þar hug og hjörtu viðstaddra og var hársbreidd frá loka takmarkinu. Hann velgdi öðrum keppendum sel undir uggum og mun koma sterkur inn á næsta ári og verður farið í æfingabúðir til ‘Omars Bolla á laugardagskvöldið til að undirbúa sig fyrir þá keppni. Alma bauð gestum og gangandi í bollu með ávöxtum í gær sem hún matreiddi uppúr blárri þvottakörfu, þótti þetta uppátæki takast með afbrigðum vel og stefnt að því að gera þetta vikulega út árið. Og talandi um bollu þá hefur það verið mál manna að Ómar etji nú kappi við mikinn vágest, ofát. Mönnum hefur borið saman um að Ómar hafi í vikunni keypt furðulega mikið af hamborgurum á Kaffihúsinu og hafa menn áhyggjur af því hvert stefni. Ónefndur næringarfræðingur og íbúi á númer 16 vill að Ómar grenni sig hratt og hefur boðið honum afnot af ælu-pillunum sem hann var að éta á ballinu í gær. Við í ritstjórninni óskum Ómari alls hins besta í baráttu sinni við þennan illræmda kvilla. Sem liður í að styðja við þennan hornstein okkar smáa samfélags þá verður fjáröflunar-party hjá ‘Omari og Kidda á laugardagskvöldið og öllum handhöfum þessa pistils boðið. Mikið heffur verið lagt í að gera þetta sem glæsilegast og sér hinn annálaði fagurkeri okkar hann Elli snyrtir um skreytingar og því um að gera að mæta. Að lokum viljum við bjóða uppá eftirfarandi gátlista ykkur til ánægju og yndisauka, ritstjórnin óskar ykkur góðrar helgar og biður ykkur að fara varlega í umferðinni.



15 góðar vísbendingar um það að þú búir í sveit og sért soldið halló



Alltaf þegar þú segist vera að fara eitthvert þá notar þú ákveðinn greini, ég ætla að skreppa í búðina, sjoppuna o.s.frv.
Allir í samfélaginu eru uppnefndir (Brósi brella, Gauji skófla o.s.frv.)
Aðeins ný hús eru máluð
Kvikmyndahúsið er 32” sjónvarp og spóla
Sodastream er ennþá gjaldgengur gosdrykkur.
þú skilur ekki afhverju það er ekki búið að setja jarðgöng yfir í hitt 14 manna þorpið á svæðinu.
Erlendi leikmaður körfknattleiksliðsins hefur sofið hjá annarri hverri konu í bænum.
Það er rúntur
Skrif í verslunum þykja sjálfsögð
Glápt er á ókunnuga og þeim ekki treyst fyrr en ættir þeirra hafa verið raktar
Þú tókst þátt í sálmakeppni í safnaðarheimilinu um helgina og vannst
Kaupfélagið er ekki skemmtistaður í þínu bæjarfélagi
Einhver sendi þér þennan lista
Stolt samfélagsins er hús, safn eða setur einhverskonar sem er tileinkað blæbrigðalausum tíma í Íslandssögunni og vonir eru gerðar til þess að það komi í veg fyrir að fólk flytji til Reykjavíkur.
Þér finnst álver eftirsóknarverður nágrani.


Ritstjórinn

Nú ætti linkurinn á Sólu Myglu að virka

Enn einu sinni runninn upp fagur föstudagur og enn sem fyrr er ég mætt í rekstrarhagfræði hjá honum Benna besta vini mínum.Ég er svo dugleg :) Hann Benni er alveg að gera góða hluti hérna núna. Það átti að vera próf í dag en þar sem Alma og Rósa voru að detta í það frestaði hann prófinu þangað til í næstu viku, bara fyrir okkur. Frekar slakt ball í gær í skálanum, held ég, það voru agalega fáir þannig að við, aðalgellurnar á Stóruskógum, héldum stuðinu uppi eins og þeim einum er lagið. Mæja og Ómar og Kiddi rændu mér úr stuðinu og fóru með mig heim í Stóruskógana en Rósa var eftir. Er að spá í að kæra þau fyrir mannrán.
Hei ég á afmæli á morgun þið verðið að hringja í mig eða eitthvað. Pabbi er að fara á Egilsstaði þannig að ég var að spá í að hafa partý en ég nenni bara ekki að standa í því þannig að ég ætla bara að vera obboðslega dugleg og læra og læra og læra af því prófin eru alveg að nálgast óhugnarlega mikið. Vorum að læra hvernig við ættum að taka prófin í vikunni það eru nebblega ekkert venjuleg próf hérna í röstinni þannig að maður er aðeins farin að stressast upp. Annars vitið þið kanski að prófkvíði er ekki eitthvað sem ég þekki mikið alltaf svo afslöppuð kanski stundum of ótrúlega kærulaus gella hér á ferð. Eins og venjulega hef ég ekki verið að fylgjast með því sem hann Benni var að segja - Best að fara að læra soldið mikið um helgina. Ætla samt í bæinn með mömmu gellu að finna afmælisgjöfina mína um leið og ég kemst til Reykjavíkur. Er að spá í að láta hana gefa mér skó fyrir veturinn það gengur ekki mikið lengur að vera að gellast á sandölum og pinnahælum í sveitinni. Hér eru það viking stígvélin sem blíva!
Nýjustu fréttir af Rósu hún var að hringja þannig að hún er sennilega enn á lífi - við skulum að minnsta kosti vona það.

Núna er hann vonandi kominn á réttan stað. Þá á einhver snillingur bara eftir að sýna mér hvernig ég get sett inn myndir svo þið getið séð hvað ég er sæt og gestabók svo þið getið sagt mér eitthvað sniðugt. Endilega láttu mig vita ef þú getur aðstoðað mig :) Takk

N'u er ég búinn að setja inn teljara veiiiiii

Góðan daginn daginn daginn. Eins og Palli sagði í morgun á leiðinni í skólann þá er þetta rosalega góður dagur alveg eins og allir aðrir dagar. Vonandi verða allir dagar svona góðir líka prófdagarnir sem nálgast á ógnarhraða og mér finnst ég ekkert vera búin að vera dugleg að læra og ég kann ekki neitt þannig að ég á eftir að falla í öllu. Nei bara grín ég er ekkert svona svartsýn.

Parce que j'ai resté á Antibes en France pendant trois mois l'anné 2001 je vais essayer d'écrire quelques mots en francais parfois pour mes amis que ne parle pas islandais. J'éspére que on peut la comprendre parce que j'ai oublie beaucoup de ca que j'ai appris lá mais ca va.

Af því að ég er svo rosalega mikil hermikráka varð ég náttúrulega að gera eins og vinkonur mínar Sólveig og Rósa og byrja að blogga.
Ég þarf samt að fá einhvern snilling til að kenna mér betur á þetta af því ég ekki mikill tölvugúru er meira svona tölvuskemmileggjari, þeir vita það sem eru með mér í skóla á Bifröst Þið hin eigið örugglega einhverntíma eftir að kynnast því, ef þið kynnist mér einhverntíma, að ég og tölvur erum ekkert obboðslega góðir vinir meira soldið miklir óvinir. Engu að síður valdi ég mér að fara í skóla þar sem maður er með tölvuna í fanginu allan sólarhringinn þannig að við skulum bara vona að ég og tölvan mín verðum orðnar þokkalega góðar vinkonur í síðasta lagi þegar kemur að prófunum. Annars verð ég ekki í góðum málum meira svona hrikalega, óskaplega mjög slæmum þar sem líf mitt um þessar mundir snýst um það sem er á tölvunni.
Í dag er miðvikudagur sem er ekkert rosalega góður dagur en ég ætla að taka þá stefnu hér og nú að vera ekki að skrifa um nein leiðindi. Af því heimurinn er góður og ég á hann - pepptalk fyrir alla sem mæta á fyrirlestrana hans Kára í Samskiptum og Tjáningu - Kári við eigum heiminn og við erum best!

Húrra húrra loksins get ég tjáð mig á netinu eins og Sólveig og Rósa eða ég vona það. Kann ekkert á þetta. Hmmm hvaða takki er þetta?
Æ, nei tölvan springur, forðið ykkur!!!!